LAOAG CITY – Inrakurak ni Supreme Court Chief Justice Diosdado Peralta nga adda ti baro a linteg a “Judges at large” wenno roving judges.
Kuna na a mangiyappointar da ti 50 nga huwes a maidestino iti Luzon, Visayas, Mindanao ken iti Metro Manila.
Segun kenni Peralta, agserbi dagiti roving judges kas manglitup kadagiti agretiro nga huwes iti rehiyon.
Inbatad na a rinugyan dan ti agipprosseso dagiti application para ti roving judges.
Inbunannag ni Peralta nga adu dagiti posisyon ti husgado ken adda dagiti babbaro nga husgado ngem mabayag ti pannakaala da gapu dagiti requirement iti civil service commission.
Inpasingked na a maiprayoridad a malitupan dagiti posisyon ita a tawen.
