LAOAG CITY – Kinumpirmaran ni Mr. Dominador Alberto, senior trade and industry specialist iti DTI Ilocos Norte a sumagmamano laengen ti magatang a face mask kadagiti butika ditoy probinsya.
Naglikudan na nga adda dagiti nangina ti panaglako na ti face mask.
Basar iti panagmonitor ni Alberto ket awan dagiti nakita na a nangatngato a presyo ngem iti suggested retail price.
Kuna na a maipaayan ti letter of inquiry dagiti negosyante a manglabsing iti naituding a SRP
Inbatad na nga umabot ti maysa a piso agingga iti walo a pisos iti kada pidaso ti face mask agdepende ti brand na.
Inbatad ni Alberto a nasken nga ipalawag ti masita a negosyante no apay a nangipangato ti presyo ti lako da.
Innayon na a ti biang ti Department of Health ti makikoordinar nga ad-adda nga akin sakop iti nasao a banag mainaig dagiti aglaklako ken distributor.
