LAOAG CITY – Nabirokan ti maysa a balasitang nga agtawen ti 14, residente iti Brgy. Calluza iti ili ti Piddig, kalpasan ti maipagarup a panagpukaw na idi Pebrero 27, 2020
Daytoy ti kinumpirmaran ni Police Capt. Kristoffer King Ramos, hepe ti PNP Piddig.
Inlawlawag na a nagatendar ti balasitang iti JS Prom iti pagadalan iti nasao nga ili.
Kuna na a gapu ta saan a simmangpet ti balasitang ket nagreport kenkuana ti ama na ken kalpasan a nakareport ket dagus a nangiwayat da ti panagbirok ken naiflash alarm.
Segun kenni Ramos, nakikuyog iti pagayam na a taga Brgy. Calambeg iti nasao nga ili ken imyan iti pagtaengan ti barkada na.
Innayon na nga awan a pulos ti pakaammo ti balasitang kadagiti nagannak kenkuana.
Nupay kasta, awan ti dakes a napasamak iti menor de edad.
