LAOAG CITY – Ikiddaw ti lokal a gobyerno ditoy siudad ti Laoag ti exemption iti Department of the Interior and Local Government a mapalubusan dagiti tricycle nga agdalyasat iti paset ti national highway.
Daytoy ket pakaseknan iti inyetnag ti DILG a pannakaipawil a dumalan dagiti tricycle iti national highway.
Inlawlawag ni Sangguniang Panlungsod Member Edison Bonoan, chairman ti committee on transportation, nasken a suruten dagiti tricycle ti baro a paglintegan a dumalan da iti right outermost lane iti highway.
Mainaig iti daytoy, naladingit ni Barangay Kagawad Freddie Domingo, chairman ti committee on transpostation iti Brgy Bengcag iti nasao a pammilin ti DILG.
Kuna na a kas maysa a tricycle driver ket kasapulan a dumalan da iti national highway sakbay a makapan da iti city road wenno barangay road.
Kabayatanna, inpasigurado ni Bonoan a maadal a naimbag ti nasao a pammilin.
