LAOAG CITY – Nabakal manen ti maysa kadagiti bus ti Florida Transport iti paset ti Brgy. Barit ditoy siudad ti Laoag kangrunaan iti batug ti Barit Elementary School.
Daytoy ti kinumpirmaran ni Mr. Marlon Sabado, line inspector iti nasao a kompanya.
Kuna na a natamaan ti dakkel a bato iti akin kannigid a paset ti tawan na ken adda pay ti nakalugan a pasahero iti batog ti nabuong a tawa.
Segun kenni Sabado, saan a naan-ano ti pasahero a nakatugaw gapu ta nagserbi a saripda ti nakaukrad a kurtina ti tawa.
Inbatad ni Sabado a napasamak itay agarup pasado alas tres ti parabangon ken daytoy ti maikadua a daras a nabakal ti nasao a bus iti nasao a lugar.
Innayon na nga awan ti ammo da a rason no apay a kanayun a mabakal ti bus da.
Iti mainaig a damag, kalikagum ni Sabado, a rondaan kuma dagiti barangay officials ti Brgy. Barit a masansan nga addda dagiti mabakal a lugan.
Daytoy ket kalpasan a nabakal manen ti bus da itay parbangon.
Segun kenni Sabado, saadan a nagreport iti PNP Laoag iti nasao pasamak gapu ta awan met pay panakasulbar na dagiti immun-unan a pasamak.
