LAOAG CITY – Nagcourtesy call ni Supreme Court Chief Justice Diosdado Peralta kenni Governor Matthew Marcos Manotoc itay bigat ken insaruno na ti nagturong kenni Mayor Michael Marcos Keon iti Laoag City Hall.
Immuna iti daytoy, nabara a sinabet dagiti opisyal iti lokal a gobyerno ditoy siudad ti Laoag kenni Peralta.
Kadua ti chief justice da Hon. Jose Maidas Marquez, supreme court administrator, kenni Hon Raul Villanueva, deputy supreme court administrator.
Sakbay iti panagturong na iti opisina ni Mayor Keon ket nagturong iti City Prosecutor’s Office ken iti Comelec Office ken adu dagiti linagip na a pasamak idi nagserbi iti nasao nga opisina.
Naam-ammo na ni Atty. Julius Balbas, iti Comelec Office, ni Mrs. Ana Carmela Remigio, iti Tourism Office.
Naamuan ti Bombo Radyo a nasinged nga agpagayam da Villanueva, Marquez kenniu Keon.
Naipaayan ni Peralta ti congratulatory plaque babaen ti Sangguniang Panlungsod mainaig ti panagbalin na a chief justice iti korte supreme.
Segun kenkuana, sabali laeng ti rikna a makita manen ti naggapuanan na ken dagiti empleyado iti lokal a gobyerno.
Nagyaman ni Peralta iti naawat na a plaque gapu iti panangbigbig da dagiti nagappuanan na iti gobyerno partikular iti korte suprema.
