LAOAG CITY – Inpakaammo ni Mr. Matthew Llamas, manager ti Philippine Airlines mainaig ti inspeksiyon kontra ti corona virus.
Kuna na nga iysuwat da ti disinfection kadagiti eroplano, ken agusar dagiti empleyado ken dagiti cabin crew ti face mask tapno maliklikan iti possible a pannakaakar da ti corona virus.
Segun kenni Llamas, nakaawat ti surat manipud kenni Gov. Matthew Marcos Manotoc seknan iti panagusar ti thermal scanner.
Inbatad na a mangipaay danto ti face mask kadagiti pasahero nangruna dagiti makita da a saan a nakasuot.
Kinumpirmaran na a saan a maliklikan nga adda latta dagiti chinese a pasahero iti kompanya da.
Innayon ni Llamas a naisardeng laeng ti chartered flight manipud iti China.
