LA OAG CITY – Inpasigurado ti Department of Transportation a makabirokda ti wagas a saan a maapektaran dagiti proyektoda gapu iti kinakurang ti budget allocation-da inton sumaruno a tawen.
Segun ken ni Transportation Undersecretary Timothy John Batan, saan nga umdas ti naaprobaran a badyetda a 20-bilion a pisos para iti 2025.
Kinunana a posible met a maapektaran ti amin a proyekto ken programada ngem inpanamnama ti opisyal a remedyoenda daytoy.
Sumagmamano kadagiti addang ti ahensia ket ti pag-tap iti unprogrammed appropriation iti budget.
Kabayatanna, 69 nga infra-projects iti sektor ti Aviation, Maritime, Railway, ken Road transportation ti agtultuloy pay laeng iti sidong ti administrasion ni PBBM.