LAOAG CITY – Agtultuloy a birbiroken dagiti kameng ti Big Island Police Department dagiti dua a lallaki kalpasan a napukaw da bayat ti panagkalap da iti baybay.
Daytoy ti nakalap a report ni Bombo International Correspondent Manny Pascua.
Kuna na nga agtawen ti 63 ken agtawen ti 37 dagiti nasao a mangalap a nagpukaw iti rabii ti Miyerkules Pebrero 12, 2020.
Inbatad ni Pascua a nabirokan dagiti otoridad ti nagluganan da a bangka iti maysa a parke iti ili ti Naalehu.
