LAOAG CITY – Nagdinnungpar dagiti dua a motorsiklo iti national highway iti Brgy. 32 Corocor iti ili ti Bacarra.
Nabigbig ti driver ti motorsiklo nga Nmax Red a ni Melchor Vila y Candong, agtawen ti 36, naasawaan ken residente iti Brgy. Tabungao, Pasuquin idinto ti driver ti Nmax Black ket ni Sherwin Acio, agtawen ti 42, negosyante, awanan ti lisensya a nagmaneho ken residente iti brgy. Corocor iti ili ti Bacarra.
Basar iti inisyal nga imbestigasyon, agpapaamianan ti motorsiklo nga inturong ni Acio idi ta nagpakannigid a sumrek iti barangay road iti Brgy. Corocor idi ta nakadinnungpar na ti motorsiklo nga inturong Candong a nagpaabagatan a direksiyon.
Gapu iti daytoy, nagsagaba dagiti dua a driver ti sugat ken naitaray da iti kaasetgan nga ospital para ti pannakataming da.
Agtultuloy ti imbestigasyon dagiti otoridad kalpasan ti aksidente iti nasao a barangay.
