LAOAG CITY – Agtultuloy ti imbestigasyon dagiti otoridad ti napasamak a pammaltog iti Downtown Honolulu a nakasugatan ti maladaga a lalaki nga agtawen ti maysa.
Basar iti report ni Bombo International Correspondent Manny Pascua, nasugatan ti maladaga babaen dagiti naburak a sarming.
Malaksid iti maladaga, nabutta-buttawan pay ti maysa nga SUV kalpasan ti pammaltog.
Kuna ni Pascua a natiliw dagiti otoridad ti maysa kadagiti tallo a suspek ken nagtalinaed iti kustudyar ti Honolulu Police Department.
Nairekep dagiti dua a pagadalan a pagad-adalan dagiti adu a Filipino iti Kaahumanu Elementary School ken McKinley High School gapu ti pammaltog.
