LAOAG CITY – Agsasarita dagiti dua a partido kalpasan ti panagdinnungpar ti van ken truck iti Brgy. Ablan iti ili ti Burgos.
Immuna iti daytoy, nagovertake ti truck iti sarsarunuen na a 10-wheeler truck bayat nga agpapaamianan a direksiyon.
Nakadinnungpar ti truck ti agpapaabagatan a van ken adda dagiti sumagmamano a pasahero dagitoy.
Iti agdama, maag-agasan iti ospital dagiti naipit a da Roberto Nueva, dati a kameng ti AFP ken residente iti nasao a barangay kenni Rodulfo Currimao.
Naamuan ti Bombo Radyo Laoag manipud kenni Police Cpl. Gerald Toledana iti PNP Burgos a dagiti nakalugan iti elf truck ket agpapaay iti LGU Burgos ken adda kadwa da a maysa a menor de edad.
