LAOAG CITY – Naiget a panagan-annad dagiti overseas Filipino workers idiay Hongkong tapno masalwadan ti salun-at da kontra ti Wuhan Corona Virus.
Segun kenni Mrs. Gricelia Dabalos, overseas Filipino worker idiay Hongkong ken tubo iti ili ti Paoay, nakausar da ti face mask uray no agdalus da gapu ta saan da nga ammo no adda ti virus a kimmapet kadagiti gamit ti pagtaengan a pagserserbian na.
Kuna na nga agkurkurang payen ti face mask kadagiti paggatangan ken atiddog ti pila dagiti pada na nga OFW a kayat na ti makagatang ti face mask.
Inbatad ni Dabalos nga adda dagiti OFWs a saan a makagatang ti face mask nupay nakabaybayag da a nakapila tapno laeng makagatang.
Innayon na a ngimmina metten ti face mask kadagiti nagduduma a paggatangan idiay Hongkong.
