LAOAG CITY – Dakkel ti pagbaliwan ti health services iti ili ti Vintar apaman nga aglukat ti Super Health Center iti nasao nga ili.
Daytoy ti inbatad ni Vice Mayor Maribel Albano iti ili ti Vintar.
Kuna na a 24/7 ti pannakaipaay ti serbisyo medikal babaen iti Super Health Center iti nasao nga ili.
Inpakaammo na a mabalin to payen ti dumalan iti Xray, ECG ken minor surgery iti Super Health Center, kasta pay ti birthing facility.
Manamnama a mainanugaran ti Super Health Center iti ili ti Vintar intono Disyembre ita a tawen.
