LAOAG CITY – Dakkel a pannakalugi dagiti mannalon ti paglintegan nga RA 11203 wenno Rice Liberalization Law.
Segun kenni Mr. Antonino Pugyao, deputy secretary general iti Alyansa dagiti mannalon, dakkel a makaapektar kadagiti mannalon ti nasao a paglintegan gapu ta maipababa ti presyo dagiti produkto ti agrikultura ditoy pagilian.
Kuna na a babaen ti linteg ket mapalubusan dagiti importer ti bagas a miembro ti ASEAN a makaiserrek ti produkto da ditoy Pilipinas babaen iti bayadan da a 25 a porsiento ti buwis.
Inbatad ni Pugyao nga agbayad met iti 130% agingga iti 180% a buwis dagiti pagilian a saan a miembro ti ASEAN nga agiserrek ti bagas.
Mamati a babaen ti nasao a linteg ket saanen a ngumato ti presyo ti irik.
Mainaig iti daytoy, kinumpirmaran ni Pugyao a manarimaan iti pannakaiwayat ti panagpapirma kadagiti mannalon ditoy pagilian para iti petisyon.
Inlawlawag na nga adda ti maangay a hearing dagiti agpanpanday linteg seknan iti pannakasuspenso ti implementasyon RA 11203.
