LAOAG CITY – Manamnama a mapilaan ti reklamo a panagsalungasing iti RA 9165 wenno Comprehensive Dangerous Drugs Act of 2002 ti maysa a kameng ti LGBT kalpasan a natiliw babaen ti naiwayat nga anti-illegal drug buy bust operation iti ili ti Vintar.
▷Kameng ti LGBT Community, naarestar gapu iti illegal a droga iti ili ti Vintar
Possible a sanguen ni Derrick Agcaoili, agtawen ti 46 residente iti Brgy. 1 iti nasao nga ili ti kaso a panaglako ken panagikot ti iligal a druga kas naipalaon iti nasao a linteg.
Immuna iti daytoy, natiliw ni Agcaoili gapu ti panaglako na ti maipagarup nga iligal a druga iti nagpammarang a gumatang ti iligal a druga.
Naiwayat ti operasyon iti sango ti pagtaengan da iti nasao a barangay.
Narekobre dagiti otoridad ti nailako a maysa a sachet a naglaon ti maipagarup a shabu, uppat a sachet a naglaon ti maipagarup a shabu manipud iti ikot na, 1,000 peso bill kas marked money ken dadduma pay a sanikua na.
