LAOAG CITY – Natiliw ti maysa a konsehal ti Kauai County gapu ti pannakainaig da iti iligal a druga iti nasao a lugar.
Iti report ni Bombo International Correspondent Manny Pascua, karaman a natiliw pay dagiti 11 a tattao.
Inbatad ni Pascua nga inrakurak ni Kauai Police Chief Todd Raybuck a maysa ni Councilman Arthur Brun a kameng ti sindikato nga agiwarwaras ti iligal a druga iti Kauai Island.
Kuna na a sumango dagiti 12 a tattao agraman ti konsehal ti agsusukot a kaso mainaig iti panagwaras ti iligal a druga.
Immunan nga inyswat dagiti otoridad ti narcotics investigation sakbay a nangiwayat da ti raid ken nagtitinnulong dagiti nagduduma nga law enforcement.
