LAOAG CITY – Kinumpirmaran ni Police Major Ryan Retotar, hepe ti PNP Dingras a napilaan ti frustrated homicide ni Jerwin Sebastian, alyas Manolo ken residente iti Brgy. Francisco iti ili ti Dingras.
Daytoy ket kalpasan ti panangdangran na ti lakay a kabagayan na a ni Narding Sebastian bayat nga adda da iti pagtatalonan.
Segun kenni Retotar, naipisoken ti suspek iti Ilocos Norte Provincial Jail.
Innayon na a ti biktima ket manarimaan pay laeng a maag-agasan iti ospital.
Maipalagip a dinangran ni Manolo ti lakay kalpasan a nagsaludsod no siasinno ti nangisiwang iti pagpakpakunnotan na ti danum ken inpagarup ti suspek nga isu iti pabpabasolen ti biktima a manarimaan nga agpadpadanum kadagiti mula na a mais.
