LAOAG CITY – Addan iti nasayaat a kasasaad ti lalaki kalpasan a nasapgud ti pick-up iti Brgy. Poblacion iti ili ti Burgos.
Nabigbig ti biktima a ni Rey Robianes y Aleta, 59, residente iti Brgy Nagsurot iti ili ti Burgos.
Iti imbestigasyon dagiti kameng ti PNP Buirgos, bayat nga agpapaabagatan ti motorsiklo nga inturong ti biktima ket sumarsaruno met ti pick-up nga inturong ni Sangguniang Bayan Member Bryne Bacwaden, agtawen ti 39 ken residente iti Kin-iway, Besao, Mountain Province.
Nagpakannigid ti motorsiklo ngem nasapgud ti pick-up bayat ti panagovertake na.
Gapu iti daytoy, nagsagaba ti sugat ken nadislocate ti abaga ti biktima ken dagus a naitaray iti Bangui District Hospital.
Agtultuloy ti imbestigasyon dagiti otoridad kalpasan ti desgrasya.
Rumrumwar nga adda iti importante a pagturungan ti konsehal ken nagna ditoy Ilocos Norte.
