LAOAG CITY – Naitaray iti ospital ti biktima ti pammagkong a napasamak iti Sitio Basar, Brgy. 34 Isic-Isic iti ili ti Vintar.
Nabigbig ti biktima a ni Jasper Mabini, dagiti suspek ket da Jonathan Marcelino kenni Jessie Mata.
Segun kenni Police Master Sgt. Jonathan Caldito, deputy chief of police iti nasao nga ili, naaddaan ti nabara a diskusyon dagiti tallo bayat nga aggiinom da iti tianggi ni Venus Sinuleng iti nasao a barangay.
Inlawlawag ni Caldito a posible a naapelwan dagiti suspek iti biktima rason a dinangran da daytoy.
Gapu iti daytoy, inruwar ni Marcelino ti balisong na ken inbagkong na kenni Mabini idinto ni Mata ket dinandanog na ti nasao a biktima.
Nagsagaba ti biktima iti maysa a sugat iti buksit na kalpasan a nabagkong.
Kuna na a natiliw dagiti suspek babaen ti pannulong dagiti barangay tanod.
Narekobre dagiti otoridad ti balisong nga agatiddog ti agarup 9 a pulgada a maipagarup a nausar iti nasao nga insidente.
Maisagsaganan dagiti maipila a reklamo kontra kadagiti maseknan.
