LAOAG CITY – Mapilaan ti maiyannatop a reklamo ti maysa a lalaki kalpasan a natiliw dagiti bumarangay iti Brgy. Root iti ili ti Dingras.
Daytoy ket gapu ti panangtakaw na ti maysa a baka nga agbalur iti 60 a ribo a pisos.
Segun kenni Police Major Ryan Retotar, hepe ti PNP Dingras, ti suspek ket ni Oliver Angit residente iti Brgy. Cacafean iti ili ti Marcos.
Inlawlawag na a natiliw dagiti karruba ti akin kukua ti baka nga agnagan ti Mr. Ceredon itay ala una ti parbangon.
Inbatad ni Retotar nga agarup 200 a metro ti kaadayu ti suspek manipud iti nangalaan na ti baka iti maysa a pagtaengan.
Basar iti rekord ti PNP, awan iti datus da kenni Angit iti anyaman nga inaramid na.
Inpasingked ni Retotar nga idalan da iti profiling ti nasao a suspek bayat a nagtalinaed iti kuerpo ti pulisya.
Mamati pay ti hepe a ti maipagarup a mudos ti insidente ket adda ti kadua na a pangiluganan ti baka.
Nupay kasta kuna ni Retotar a saan a maibaga ti suspek no apay nga innala na ti baka ni Mr. Ceredon.
