LAOAG CITY – Agtultuloy a maag-agasan ti maysa a lalaki kalpasan a natukkol ti akin kannawan nga ima na gapu iti pannakadesgrasya na iti Brgy. 22 iti ili ti San Nicolas.
Nabigbig ti biktima a ni Jaynard Ventura y Jamiscon, naasawaan, residente iti Brgy. 2 Sta. Joaquina ditoy siudad ti Laoag ken inlubbon na ti asawa na ken dagiti dua nga annak na nga ubbing.
Basar iti PNP San Nicolas, nagovertake ni Ventura iti sarsarunuen na a backhoe bayat iti panagpalaud da a direksiyon.
Kelaat met a dungpar na ti kurongkurong nga inturong ni Marvin Dave Lumabao y Coloma, agtawen ti 21, residente iti Brgy. 8 San Rufino iti nasao nga ili.
Saan met a nadangran ti asawa ken dua nga annak ni Ventura kalpasan ti desgrasya idinto nga isuna ket addan iti natalged a kasasaad.
