LAOAG CITY – Rimwar ti bagis ti maysa a lalaki kalpasan a naaksidente iti Brgy. Puritac iti ili ti Pinili.
Nabigbig ti biktima a ni Alex Grande y Tolentino, agtawen ti 42, naasawaan, truck driver ken residente iti Brgy. San Marcelino iti ili ti Dingras.
Iti inisyal nga imbestigasyon dagiti otoridad, inparking ni Grande ti inturong na a dump truck idi ta madlaw na a daytoy ket nagpasango.
Kinamat ni Grande ti dump truck tapno ipreno na ngem naipit iti nagbaetan ti inturong na a dump truck ken maysa pay a dump truck a nakaparking iti nasao a lugar.
Nagsagaba ti biktima ti nakana a sugat iti buksit ken rimwar ti bagis na.
Naitaray ti biktima iti pribado nga ospital iti nasao nga ili ngem dagus a naiyakar iti Mariano Marcos Memorial Hospital and Medical Center iti siudad ti Batac.
