LAOAG CITY – Inpanamnama ni Mayor James Bryan Alcid kadagiti residente ditoy ciudad ti Laoag adda ti naidumduma a programa a maiwayat ita a paskua.
Kunana a manarimaan nga isagsagana da dagiti programa ken no makita da a napintas ti resulta na ket isunto metten ti tinawen a pagibasaran ti gobierno lokal ditoy ciudad.
Innayon na a malaksid kadagiti ipatungpal da a programa ket adda pay dagiti regalo ken bonuses a maipaay kadagiti empleyado ti gobierno lokal ditoy ciudad ti Laoag.
Namanamen na a babaen kadagiti maiyuswat nga aktibidad ket maipaayan ti city government ti naan-anay a ragsak dagiti residente ken empleado ita a paskua.
