LAOAG CITY – Inlawlawag ni Mr. Gerardo Rimorin, officer in charge iti Overseas Worker Welfare Administration iti Region 1 nga awan ti maaramidan na seknan iti maipagarup a panagpakamatay ti overseas Filipino worker a ni Angelica Castro Dela Cruz idiay Dubai ken tubo iti Brgy. Gaang iti ili ti Currimao.
Inrekomendar na a ti mabalin a ti pagkamangan dagiti maseknan a pamilya ket iti Department of Foreign Affairs.
Inbatad ni Rimorin a ti mabalin a tulongan da ket dagiti madangdangran wenno dagiti maab-abuso nga OFWs idiay ballasiw taaw.
Kinumpirmaran na nga idi napan ni Dela Cruz idiay Dubai ket tourist visa ti inusar na rason nga awan ti maawat na a benepisyo.
Kunana na a saan a sakop ti gobyerno ti mangipaay ti benepisyo no tourist visa ti inusar ti maysa nga OFW idi nagturong daytoy idiay ballasiw taaw kalpasan na ket nagtrabaho.
Naamuan a ti tourist visa ti kaalistuan a wagas tapno makapan ti siasinnuman iti kayat na a papanan a pagilian.
