LAOAG CITY – Desidido nga agipila ti reklamo ti pamilya Madariaga kalpasan a nabagkong ti kabagyan da iti Brgy. 27 Duripes, iti ili ti Bacarra.
Segun kenni Police Corporal Jonathan Larazo, imbestigador iti PNP Bacarra, nagturong itay bigat ti ina ti biktim a ni Manuel Madariaga tapno agsarita mainaig ti pasamak.
Kuna na a naimatangan da Mars Madariaga ken iBernard Rias ti panangbagkong ti suspek a ni Ferdinand Atud iti buksit ti biktima usar ti paet.
Inlawlawag ni Lazaro a dimmanun ni Atud iti pagtaengan da Madariaga, ti kabsat na kenni Rias bayat nga agiinumon da.
Naaddaan ti saan a nagkinnaawatan da Atud kenni Madariaga.
Inpalek ni Atud ti maysa a sanga ti kayo iti ulo ni Madariaga ken idi gandaten na a sumubbot ket dagus a binagkong ti suspek usar ti paet.
Kuna na a posible nga innala ni Atud ti paet iti pagtaengan ti biktima ken narekobre da met laeng iti nasao a lugar kalpasan ti insidente.
Inbunannag na a nadangran met ni Atud babaen dagiti kabagyan ti biktima ngem ti biktima ket saan a pulos a nakabales.
Kinumpirmaran ni Lazaro a adati a natiliw da ni Atud ditoy siudad ti Laoag idi tawen 2016 gapu ti kaso nga Homicide.
