LAOAG CITY – Inpetteng ni Mrs. Percita Dela Cruz, residente iti Brgy. Gaang iti ili ti Currimao a kabaelan ti kaanakan na ti anyaman a problema.
Daytoy ket kalpasan a nabirokan ti bangkay na a nakabitin iti uneg ti kuarto na iti pagpapaanayan na a pagtaengan idiay Dubai.
Nabigbig ti biktima a ni Angelica Castro dela Cruz, agtawen ti 25 ken overseas Filipino worker iti nasao a pagilian.
Kuna ni dela Cruz a kayat da a maamwan no pudno a nagbekkel ti kaanakan na wenno adda ti foul play ti pannakatay na.
Rumrumwar a nagexpiren ti working visa ti biktima.
Gapu iti daytoy, nagpanawagan ni Dela Cruz iti tulong para ti pannakaiyawid ti bangkay ti kaanakan na kalpasan ti maipagarup a panagbekkel na.
Naamuan ti Bombo Radyo Laoag manipud kenni Aiza Cruise nga agarup maysa a lawasen a pimmusay ti biktima ken naikabilen iti freezer ti bangkay na.
