LAOAG CITY – Nabagbagaan ti maysa a baro babaen kadagiti otoridad ken dagiti eksperto mainaig iti maipagarup a gandat na ti agpakamatay iti uneg ti pagtaengan da iti Brgy. 11 ditoy siudad ti Laoag.
Daytoy ti kinumpirmaran ni Police Lt. Col. Amador Quiocho, hepe ti PNP Laoag.
Kuna na a maipagarup a napaay iti ayat ni Dante Quintos y Sarmiento, alyas Macky, agtawen ti 22 ken residente iti nasao a barangay.
Segun kenni Quiocho, naigeddan ti insidente iti selebrasyon ti Valentine’s Day ngem naisalakan da babaen ti panagresponde ti PNP ken dagiti paramedics kalpasan a nagreport dagiti residente.
Saan met a masigurado ni Quiocho ti wagas a gandat a panangkettel ti baro iti biag na.
Inbatad na a kalpasan a naisalakan da ti baro ket naipadalan iti pammagbaga ken iti psychological test.
Innayon ni Quiocho a maipagarup a masansan dagiti lallaki ti agpakamatay gapu iti pannakapaay da iti ayat.
