LAOAG CITY – Nasugatan dagiti pito a turista agraman ti piloto kalpasan a nagsuek ti nagluganan da nga helicopter iti Puna District, Big Island, Hawaii.
Iti report ni Bombo International Correspondent Manny Pascua, maysa a Blue Hawaii Tourist Helicopter ti nagsuek a nagluganan dagiti pito a turista ken maysa a piloto.
Kuna na a dagus a naitaray dagiti walo iti Hilo Medical Center kalpasan iti panagresponde dagiti otoridad.
Agtultuloy ti imbestigasyon dagiti otoridad ti rason ti panagsuek ti tourist helicopter.
Immuna iti daytoy, nadlaw ti piloto ti panagwarning ti helicopter gapu ti depekto iti ipos na.
Maipalagip a nagsuek ti Safari Helicopter iti Kauai, Hawaii a nakatayan dagiti pito a tattao idi Disyembre 2019.
