LAOAG CITY – Kinumpirmaran ni Police Captain Christian Felix, hepe ti PNP Pasuquin, a naaramid ti suspek ti panangabuso na ti menor de edad a babai nga addaan ti rangkap ti bagi.
Daytoy ket kalpasan a natiliw ti akusado a ni Melecio Bareng y Mariano, agtawen ti 73, naasawaan, mannalon, ken residente iti Brgy. 5 Davila iti ili ti Pasuquin babaen ti bileg ti warrant of arrest.
Inlawlawag ni Felix a napasamak ti naminsan a daras a panangabuso ni Bareng iti menor de edad nga agtawen ti 13 idi Nobyembre 1, 2019.
Innayon ni Felix nga arig na adda ti panagkabagyan ti akusado ken ti menor de edad.
Nairekomendar ti 180 a ribo a pisos a pyansa ti akusado para iti temporaryo a pannakawaya-waya na
Iti agdama, nagtalinaed iti kustudyar ti PNP Pasuquin ni Bareng kalpasan a saan a nakapagpiyansa.
