LAOAG CITY – Naruay dagiti agiturturong kadagiti slow moving vehichles ti saan pay a makasurot ti pakdaar ti gobyerno probinsyal a panagtalinaed da iti outermost lane ti kalsada.
Daytoy ti obserbasyon dagiti kameng ti PNP Traffic Division ditoy siudad ti Laoag kadagiti motorsiklo, tricycle, kalesa, e-bike ken dagiti agbisbiseklata.
Pinalagipan ni Police Chief Master Sgt. Ferdinand Santos, hepe ti PNP Traffic Division ditoy siudad dagiti maseknan a motorista.
Manamnama nga adda ti matratar a linteg seknan ti pakdaar ti gobyerno probinsyal ken adda ti manamnama a maiyannatop a multa ken maipaay a ticket kadagiti agsalungasing.
