LAOAG CITY – Kalikagum ni Sanggunian Bayan Member Joselito Martin iti ili ti Solsona a mapaserraan ti maysa ng STL outlet nga asideg iti maysa a pagadalan iti nasao nga ili.
Inlawlawag na a ti maysa a rason ket maibasar iti Revised 2016 implementing rules and regulation a nasken nga adda iti 100 a metro a kaadayo iti anyaman a pagadalan ken simbaan no agipatakder ti maysa nga outlet.
Kuna ni Martin a naaddaan da iti internal arrangement iti kallabes mainaig ti STL outlet ngem saan a nasurot rason a nangaramiden ti resulosyon a pinaburan met dagiti miembro ti konseho iti naiwayat a regular session itay kallabes.
Segun kenni Martin, nairekomendar a maiyakar wenno mapaserraan ti nasao a pasdek.
Inbatad na a kalsada laeng ti nagbaetan ti outlet ken ti pagadalan.
No bilang saan nga agtignay dagiti maseknan ket mapatawan ti manager ti STL outlet.
