LAOAG CITY – Napilaan ti kaso a murder ti agnagan ti Felix Bermudes y Taclay, alyas Bombong a, residente iti Brgy. Lacuben iti ili ti Badoc.
Daytoy ket mainaig iti pannakatay ni Conrado Castillo Jr, agtawen ti 33, tricycle driver ken residente iti Brgy. Suyo iti ili ti Dingras kalpasan a napalto-paltogan babaen dagiti dua a lallaki a nakalugan ti maysa a motorsiklo iti Enero 5, 2020.
Segun kenni Police Major Ryan Retotar, hepe ti PNP Dingras, nabigbig ti witness ti nasao a suspek idi napasamak ti insidente.
Kuna na a pimmaltog ni Bermudes agraman ti saan pay a nabigbig a kadua na.
Inbatad ni Retotar a gun for hire dagiti suspek rason a kitkitaen da ti koneksiyon dagitoy iti sabali a kaso ken no adda iti nanghire kadakuada.
Daytoy ket gapu ta ni Castillo ti maitudtudo a nangpaltog iti maysa a tao iti ili ti Sarrat iti kallabes.
Inpakaammo ni Retotar nga anggulo mainaig iti iligal a druga ti inisyal a motibo ti krimen.
Innayon na nga adda ti mastermind iti nasao a krimen ken maipagarup nga isu ti nangbaon kenni Castillo itay kallabes a nangpapatay ti biktima a lalaki iti ili ti Sarrat.
