LAOAG CITY – Inallukoy ni TESDA Regional Director Vincent Cifra ti publiko a gundawayan ti Universal Access to Quality Tertiary Education Act (UAQTEA) nga scholarship program da.
Kuna na nga adda ti 225 a bakante nga slots kadagti nagduduma a kurso a silulukat babaen iti programa da.
Inlungalong ni Cifra nga adda ti bakante a 25 nga slots iti computer system NCII iti Northwestern University, 50 slots iti shielded metal arc welding NCII ken gas welding NCII iti Igama Colleges Foundatin Inc.; 50 slots iti automotive servicng NCI, 25 slots iti shielded metal arc welding NCI ken 25 slots met iti shielded metal arc welding NCII idiay Bangui Institute of Technology.
Inlawlawag na a dagiti college undergraduate wenno dagiti nakaadal iti senior high school ti kwalipikado a makaala ti slot iti nasao a programa.
Innayun ti director a maikkan ti libre nga uniporme, 160 a daily allowance, book allowance, insurance ken dadduma pay.
Inbatad na a mabalin a bisitaen ti facebook page da a TESDA ONE tapno ditoy a makita dagiti dadduma pay a program ken serbisyo da.
