LAOAG CITY – Naitantan ti pannakaangay ti 2020 Region 1 Athletic Association a maiyuswat kuma idiay Lingayen, Pangasinan gapu ti novel coronavirus.
Daytoy ti kinumpirmaran ni Mr. Gene Reginaldo, MAPEH supervisor ti Department of Education.
Kuna na nga iti daytoy nga aldaw ti panagtraining dagiti atleta.
Segun kenni Reginaldo, agraman dagiti national events ket naitantan gapu iti panagwaras ti nasao a virus.
Inbatad na a nailungalong ti pannakaituloy ti R1AA intono Marso ken Abril ngem maigeddan iti graduation dagiti estudyante.
Mainaig iti daytoy, kinumpirmaran ni Reginaldo a bumaba ti performance daigti atleta iti kelaat a pannakaisardeng ti panagsanay da gapu iti pannakasuspenso dagiti aktibidad iti Pebrero.
Nupay kasta, plano na nga iyuman kadagiti nangatngato nga opisyal no adaptaren da ti school base training program tapno mapagtalinaed ti performance dagiti atleta.
Inlawlawag na a babaen iti daytoy ket tapno makapagtraining dagiti maseknan kalpasan ti panagklase da.
Maituloy ti panagtraining da intono Marso 18 tapno ileppas da ti maysa a bulan a training porgram da.
Maipalagip a naitantan ti R1AA itay kallabes a panaghost ti Ilocos Norte gapu iti measles outbreak.
