LAOAG CITY – Inlawlawag ni Mr. Narding Sebastian, ti pannakadangran na babaen kenni Jerwin Sebastian alyas Manolo, iti Brgy. Francisco iti ili ti Dingras.
Kuna na a manarimaan nga agpadpadanum kadagiti mula na a mais ken agab-abono.
Segun kenni Sebastian, naripar na a nagsardeng nga agipuswak ti danum ti hose na rason a napan na kinita ti water pump na.
Inbatad na a dandani a maibusaen ti danum nga adda iti waig rason a simmalog ket nakita na ni Jerwin Sebastian a manarimaan ti panagkuryente na iti irrigation canal.
Sinaludsod ni Sebastian kenni Manolo no siasinno iti nangisiwang ti danum ngem naglikudan na nga isuna iti nangaramid.
Kabayatan iti panagsarita da nga agkabagyan ket nakapungtot ti suspek a Sebastian rason nga inbaot na ramit a pagkuryente iti biktima.
Maipagarup a saan a napnek ti suspek ket dita nga inrareb na pay ti ulo ti biktima iti kapitakan ken dinanog-danog na.
Kuna ti biktima a saan pay nga agpakaanawa ti suspek uray adda dagiti dua a lallaki tapno aganawa.
Naglikudan ti biktima a Sebastian nga agagum ti danum gapu ta dati a nakakutkot ti pagal-alaan na ti danum.
