LAOAG CITY – Naglikudan ni Oliver Angit a nagtakaw ti baka iti Brgy. Root iti ili ti Dingras itay kallabes.
Kuna na a naggapu da iti pagiinoman ken dimmagas a napan nagbuggo iti kanal iti igid ti kalsada iti nasao a lugar.
Segun kenni Angit, dimteng dagiti tao a naggapu iti taltalon ken pinabasul da nga agtatakaw ti baka.
Inpetteng na nga awan ti baka iti nasao a lugar a nagbuggoan na.
Inrakurak na a maysa iti akinkukua ti baka ti nangakusar kenkuana.
Kuna ni Angit a nadangran pay babaen kadagiti tattao nga immasideg kenkuana idi agbugbuggo a dagitoy ket mapatta-patta nga agtawen da iti 27 agingga iti 29.
Innayon na a saan a timmulong ti kadua na a foreman gapu ta mabuteng ken adu da a kimmabil kenkuana.
