LAOAG CITY – Inlawlawag ni Matda Domingo Asuncion, traffic aide ditoy siudad ti Laoag kalpasan a nadangran babaen kenni John Harold Hipolito iti Brgy. 2 Anao iti ili ti Piddig.
Kuna na a bayat a kadkadua na ni Liliy Anne Pascual iti parke ket nakita da dagiti babbarito nga agsigsigarilyo rason a napan da kinasarsarita.
Kellaat a dimteng ni Hipolito ken adda ti kadua na a nakalugan da iti motorsiklo iti lugar da.
Segun kenni Asuncion, pinabasol ti suspek a dinangran da ida nupay saan na nga am-ammo daytoy.
Inbatad na a saan a kakadua ni Hipolito dagiti babarito a dinillaw da nga agsigsigarilyo.
Inlawlawag ni Asuncion a nabigbig da ti suspek babaen iti social media.
Inpetteng ni Asuncion nga awan ti ammo na mainaig iti pannakadangran na babaen kenni Hipolito.
Iti mainaig a damag, inbutaktak ni Matda Domingo Asuncion, traffic aide ditoy siudad ti Laoag a kalpasan a nadangran babaen kenni John Harold Hipolito ket nagreport iti PNP.
Nakita na ni PO1 Dela Cruz a kameng ti PNP Piddig ket maipagarup nga awan ti panagtignay na idi nagreport ti biktima.
Kuna ni Asuncion nga iti immuna a gundaway ket saan a nagturong ti pulis iti lugar ti nakapasamakan ti insidente ngem nagsurat iti blotter report.
Nupay kasta, inbatad na nga idi naipakita na ti itsura ti suspek kenni PO1 Dela Cruz ket dagus met a napan na sinapol ti suspek.
