LAOAG CITY – Walo a topiko dagiti mapagsasaritaan iti maiwayat a Liga Congress iti siudad ti Baguio nga atendaran dagiti opisyal ti barangay iti intero a pagilian.
Segun kenni ABC Federated President Elmer Faylogna, naiget ti panagsagana da para ti nasao a programa a maangay intono Pebrero 16 agpatingga intono Pebrero 18 iti nasao a siudad.
Kuna na a dagiti topiko a mapagsasaritaan ket ti Anti drug abuse, road clearing, SGLG ti barangay, barangay anti curruption, anti terrorism ken dadduma pay.
Inbunannag ni Faylogna nga agsarita dagiti pannakabagi ti Department of Interior and Local Government.
Mainaig iti daytoy, inbatad na a saan mamati nga adda ti kurapsiyon iti uneg ti barangay gapu ta naiget ti Commission on Audit.
Innayon na nga adda dagiti agatendar nga opisyal ti probinsya iti nasao a programa.
