LAOAG CITY – Inaprobaran ti National Economic and Development Authority (NEDA) Board ti agarup ₱71 bilyon a gatad ti proyekto.
Ni Presidente Ferdinand Marcos Jr., ti Chairman ti National Economic and Development Authority Board.
Ti kadakkelan nga inaprobaran a proyekto ket ti ₱56.7-billion Philippine Community Resilience Project (PCRP), gagem a papigsaen ti disaster preparedness kadagiti ‘most vulnerable areas’ ditoy pagilian.
Mainaig iti daytoy, inbatad ti National Economic and Development Authority a ti proyekto ket indauloan ti Department of Social Welfare and Development (DSWD), pakabenepisiaran ti sumurok uppat a milyon a pamilya kadagiti nagduduma a 500 a munisipalidad iti babaen ti panangpatibker pay iti community planning capacities ken ikkan ti access iti ‘resilient investments’ para kadagiti napapateg a lokal a proyekto.
