LAOAG CITY – Mapattapatta a 1.6 a milyon a tattao ti matmatay gapu kadagiti taraon nga ‘unsafe foods’ kas maibasar iti World Health Organization.
Inbatad ni Francesca Branca, ti mangidadaulo iti Nutrition and Food Safety ti World Health Organization a nakarkaro ti epekto ti unsafe foods kadagiti ubbing nga awan pay ti 5 a tawenda wenno 40% ti burden manipod iti unsafe foods.
Kunana nga unsafe food ket addaan ti narugit ken mikrobio, nabangles a mangitunda ti impeksion ken sakit kas ti diarrhea, meningitis ken dadduma pay a sakit a mabalin nga ipatay.
Inlawlawagna nga awan ti boundary ti itunda a risgo ti unsafe food gapu ta alisto daytoy nga ag-evolve manipod iti lokal a problema agingga iti international emergency.
Kabayatanna, ibilang ni United Nations Food and Agriculture Organization ti taraon kas “fundamental” tapno magun-od ti Sustainable Development Goals.
