LAOAG CITY – Namnamaen ti Philippine Ports Authority (PPA) nga umabot iti 1.73 milyon manipod iti Abril 14 agingga iti Abril 20 dagiti pasahero ita nga Holy Week.
Inbatad ni Philippine Ports Authority General Manager Jay Santiago a namnamaen ti pakabuklan a 3.5 percent a pagngatoan manipod iti 1.67 milyon a pasahero itiisu metlaeng a panawen idi 2024.
Kuna na a tapno maakomodar ti panagado ti pasahero ket inbilin na ti deployment iti nayun a personnel ken ad-adda a napasayaat ti pannakaiwanwan ti terminal kadagiti kangrunaan a pagsangladan.
Nangiyuswat pay ti Philippine Ports Authority ti maintenance checks iti critical infrastructure kas panagsagsagana iti manamnama a panagado dagiti biyahero.
Innayon na a tapno naan-anay a matulungan dagiti commuter ket nagikabil da kadagiti help desk kadagiti kangrunaan a pantalan iti intero a pagilian para iti pannakaipaay a dagus kadagiti impormasyon impormasyon ken dadduma pay a kasapulan dagiti pasahero.
Iti datos ti Philippine Ports Authority, dagiti lima a kangrunaan a pantalan ita a Lenten season ket ti Port Management Office (PMO) Batangas, PMO Mindoro, PMO Panay/Guimaras, PMO Negros Oriental/Siquijor, ken PMO Bohol.
