LAOAG CITY – Inyal-alisto ti Food and Drug Administration (FDA) ti clearance ti 1 a milyon a capsules ti doxycycline, maibasar iti Department of Health (DOH).
Inrakurak ni Health Secretary Teodoro Herbosa nga inyuswat daytoy ni Food and Drug Administration Director-General Samuel Zacate iti Emergency Command Conference ken maipagarup a rinugianen ti Food and Drug Administration ti delivery ti agas nga iresreseta kas prophylaxis ken medikasion para iti leptospirosis kadagiti amin a rehion iti intero a pagilian.
Inbatad ti Department of Health Regional Directors dagiti aksion ti Department of Health ken ti local government physicians, nurses, midwives, barangay health workers ken dadduma pay nga health staff kadagiti evacuation centers.
Agtultuloy nga ar-arisiten dagiti medical ken public health service needs, mangipapaay ti taraon para iti umiso a nutrision ken mangisaysayangkat ti water, sanitation, hygiene ken waste disposal services.
Mangipapaay pay isuda ti mental health ken psychosocial support services para kadagiti evacuees.
Inbilin ni Presidente Ferdinand Marcos Jr. ni Herbosa a mangidiaya ti basic medical care kadagiti evacuation centers.
