LAOAG CITY – Agtaltalinaed a naka-isolate dagiti sumurok-kumurang 1,000 a pamilia iti lugar ti Barangay Santa Fe ken San Marcelino, Zambales, kalpasan a nadadael ti maysa a rangtay gapu iti nagsasaruno a napigsa a panagtudo.
Karaman kadagiti naapektaran ket dagiti katutubo a residente iti lugar.
Ti pannaka-isolate dagiti residente ket kalpasan ti agtul-tuloy a panagtudo gapu iti Habagat wenno Southwest Monsoon.
Basar iti lokal a gobierno iti lugar, 10 a pagtaengan ti nadadael, ken idinto nga awan ti nairekord a natay.
Kabayatanna, nadadael ti maysa a rangtay nga inaramat dagiti residente tapno makastrek ken makaruarda iti lugar.
Gapu iti daytoy, sumagmamano a pamilia ken katutubo ti agtaltalinaed a na-stranded.
Mainig iti daytoy, nangipatulod met ti lokal a gobierno ti tallo nga aldaw a suplay ti makan para kadagiti naapektaran a residente.
