LAOAG CITY – Inrakurak ti Department of Agriculture (DA) nga adda ti maysa a milyon a Pilipino ti nagbalin a benepisiario ti Benteng Bigas Meron na (BBM) Program sipod nairubuat daytoy, addan pito a bulanen ti napalabas.
Inbatad ni Assistant Secretary for Agribusiness, Marketing and Consumer Affairs Atty. Genevieve Velicaria-Guevarra, basar iti kaudian a report ken datos ti departamentoda, dandanin a dumanon iti 900,000 a benepisiario ti nabenepisiaran iti programa ken daytoy ket inisyatiba ti agdama nga administrasion.
Inlawlawagna a kagiddan daytoy ket target ti opisinada nga aramiden a moderno ti panagparehistro para iti programa tapno masigurado a makaala dagiti intended beneficiaries ti nasao a programa.
Kunana a babaen iti modernisasion iti panagparehistro ket makatulong para iti al-alisto a panagmonitor no sadinno ken mamin-ano a daras a gumatgatang dagiti target beneficiaries ti P20 rice.
Kabayatanna, target pay ti ahensia a maipaayan ti tulong ti saan a bumaba ti 15 a milyon a pamilia iti babaen ti programa inton tawen 2026.
