LAOAG CITY – Natay ti maysa nga indibidual idinto a naruay ti nasugatan iti napasamak a panagbettak iti steel factory idiay Pennsylvania.
Napasamak ti insidente sakbay nga agpangaldaw iti United States Steel Clairton Coke Works.
Naammoan a naruay a mangmangged ti planta ti naitaray iti ospital kalpasan a nagsagaba ti sugat iti bagi.
Ibilang ni Clairton Mayor Richard Lattanzi a maysa a nakaladladingit nga insidente ti nasao a panagbettak.
Agtultuloy ti maiwaywayat nga imbestigasion dagiti otoridad mainaig iti nasao nga insidente.
