LAOAG CITY – Maysa ti panagpagna iti kaalistoan a workout a mabalin nga aramiden ti uray asinoman tapno magun-od ti fit and fab a bagi.
Basar iti panagadal, adu ti benepisio ti panagpagna kas ti improved cardiovascular health, enchanced mental health ken panagkissay ti timbang.
Idi 2019 iti Journal of Physical Activity, ti 10 a ribu a panagpagna iti kada aldaw ket makakissay iti lukmeg ti bagi ken makapasayaat pay iti cardiometabolic health.
Katukad daytoy ti pannakakissay ti 200 agingga 5000 calories iti kada oras depende iti timbang ti maysa a tao.
Makapakissay ti tsansa a maaddaan ti sakit iti puso ken makapababa pay ti blood pressure.
Naammoan a ti panagpagna ket makairuar pay ti endorphins wenno happy hormones.
