LAOAG CITY – Positibo ti naiyuswat a search operation iti Discolandia iti Barangay 1, San Lorenzo Discolandia iti Barangay 1 babaen kadagiti kameng ti Philippine National Police ken iti Philippine Drug Enforcement Agency.
Nabigbig ti subject ti operasyon a ni Macren Balbarez, adda iti umno a tawen ken residente iti nasao a lugar.
Naala iti pagturturugan ni Balbarez partikular iti maikatlo a kadsaaran ti pasdek ti maysa a dakkel a supot ti tangkay ti maipagarop a marijuana ken 10 a sachet ti maatap a napagango a bulong ti marijuana, maysa a bala ti MDC 1945 20mm mk-3 ken drug paraphernalia.
Mainaig iti daytoy, naiget ti panangkondenar ti pamilya Balbarez iti maipagarop a panagserrek dagiti lima a lallaki a naka-iggem ti paltog iti pagtaengan da no sadinno pinarwar da dagiti adda iti uneg ken rumrumuar nga inrikep da ti ridaw.
Segun kenni Mrs. Magdalena Balbarez, ti ina ni Macren, saan na a nakita nga adda ti immuli ngem naipakammo kenkuana isut gapo na a dagus a napan ken nakumpirmaran na a nairkep ken saan na a malukatan ti ridaw.
Inpetteng na a respetaren ti pamilya da nga adda ti serach warrant ngem kunana a saan a rumbeng ti maipagarop nga isseserrek dagiti lallaki sakbay ti pormal a pannakairugi ti operasyon.
Kunana nga idi rabii ket nagdalos da iti mismo a kwarto gapo ta dandani aganak ti asawa ti subject ti operasyon ken awan met dagiti maipagarop nga iligal a droga.
Inpalgak na nga awan ti madi nga aramid ti anak na gapo ta saan met a rumrumuar ken saan a drug surenderee.
Kabayatanna, inbatad ni Barangay Kagawad Manny Morales nga awan met dagiti nakairamramanan ni Macren a madi iti uneg ti barangay da.
Innayon na a nakigtot iti napasamak ngem ipaima na daytoy iti Philippine National Police.
