LAOAG CITY – Positibo met ti naiyuswat a search warrant operation iti Barangay Manalpac iti ili ti Solsona.
Ti search warrant ket inparuk-at ni Executive Judge Jacinto Merin dela Cruz Jr, Presiding Judge RTC Branch 33, Bauang, La Union gapo iti panaglabsing iti RA 9165 a naptesaan ti Agosto 10, 2022.
Nabigbig ti subject ti operasyon a ni Aerrol Alexis Santos y Salbino, awanan ti trabaho ken residente iti nasao a barangay.
Basar iti PNP-Solsona, ni Santos ket miembro ti maysa a Drug Group ken High Value Individual.
Nakumpiskar dagiti otoridad ti foil, maysa a black pouch, maysa nga ppen transparent plastic sachet; maysa nga open transparent plastic sachet nga addaan ti shabu residue; 10 nga heat-sealed transparent plastic sachets a naglaon ti maipagarop a shabu ken color pink improvised scoop straw.
Naamoan a dagiti nakumpiskar a maipagarop nga iligal a droga ket agdagsen ti maysa a gramo ken mapatta-patta nga agbalor ti 6,800 a pisos.
Ti operasyon ket naiyuswat babaen iti presensya ti pamilya ti subject ken Kag. Letty S. Mejia.
Kabayatanna, maipila met kas regular filing ti kaso kontra iti suspek gapo ta naglibas daytoy.
