LAOAG CITY – Kinumpirmaran ni Atty. Ferdinand Ignacio, maysa kadagiti abogado ni Vice Mayor Francis Espiritu iti Dumalneg, Ilocos Norte ti pannakai-released dagiti naimpound a lugan ti bise mayor idiay ili iti Solsona itay kallabes.
Daytoy ket gapu ti maipagarop a panagisayangkat da iti illegal a panag-quarry ti nasao nga ili.
Segun ken ni Ignacio, maysa a nangato nga opisyal iti PNP ti nangibilin ti pannakai-released dagiti 10 a lugan ti bise mayor ngem saan nan a dinakamat ti nagan na.
Innayon na a ti laeng nakita na ket ti resibo no ania dagiti binayadan ti kampo ni Espiritu ngem saanna nga ammo no kasanu a naipalubos a mai-released dagiti nasao a lugan.
